Meron pa kayang pagdadaanang challenges ang Big Four matapos nilang maitayo ang torre ngayong gabi? Paminsan-minsan ay tinatakot sila ng mga ninjas na tila balak na naman atang lusubin ang kanilang construction project. Sa ngayon ay mukhang safe na ito sa mga unknown intruders. Pero syempre binabantayan pa rin ito ni Ruben habang sina Riza at Gaby ay busy na sa kanilang beauty preparations for the Big Night.

Hay... Kelan naman kaya ang turn nila Ruben at Will na inantok na sa kahihintay sa dalawa!

Problemado pa rin ang celebrity housemates sa ginagawa nilang tower. Matapos makapagpahinga ng konti ay back to work ulit sila dahil kailangang subukan pa nilang pataasin ito. Kung hindi ay hindi nila magugustuhan ang magiging consequence kapag sila ay nag-fail. Worse, hindi naman sila sure kung kailan talaga ang deadline. Eh si Gaby, nagsuggest na paspasan nalang nila ang pagkilos sa huling mga oras na ibibigay sa kanila para maiwasan ang kung ano mang aberya. Pero pinagsinabihan nga sila na huwag ipagpaliban ang pagtapos nito.

Sana nga ay umubra na ang mga strategies na naisip nila para worry-free na ang kanilang last night sa bahay ni kuya!