Naglabas ng sama ng loob si Tita Anna sa fellow guardians! Gigil na gigil niyang ikinuwento ang kaniyang sama ng loob kay Daddy John. Pinapalaki ni Daddy John ang isyu at sinisigawan pa siya. Hindi naman daw kailangang magsigawan dahil educated naman sila lahat doon. At para kay Tita Anna, she "will not stoop down to his idiosyncrasies". Agree naman dito si Mommy Carina at ang dalawa naman ay nagkampihan. Si Mommy Minda at Daddy Erning gusto nang mamagitan sa tumitinding away na ito ngunit nahihirapan rin sila. Saan pupunta ang lumalalang away na ito?

Matapos ang bangayan ni Tita Anna at Daddy John, naisip ni Mommy Minda na patawanin ang kapwa guardian. Sabi kasi ni Tita Anna ang halaga daw ni Daddy John ay ito: nagkunwaring kumuha ng isang bagay at tinapakan niya ito. Natawa na lang si Mommy Minda at inasar siya ng "the more you hate, the more you love!". Ginatungan pa ito ni Mommy Sandy at Daddy Erning kaya nagtawanan na lang ang mga guardians. Si Mommy Minda kaya ang sagot sa awayang Daddy John at Tita Anna?

Nakumbinsi na ni Daddy John ang daddy ni Jolas na si Daddy Ike para gupitan ang kaniyang buhok. Si Daddy Ike, naka-mohawk style! Kamusta naman iyon. Natawa tuloy si Mommy Minda at Daddy Erning sa kakaibang hairstyle na ito. Hindi makita ni Daddy Ike ang itsura sa salamin kaya pinagbasehan na lang ang itsura ni Mommy My Love na masama raw ang mukha nung nakita ang new haircut. Si Daddy Erning patawa-tawa pa, naku daddy kung alam mo lang na ikaw na ang susunod diyan!

Napapasarap na sina Jolas at Ejay sa kanilang stay kasama ang mga guardians.  Dahil na rin siguro sa init ng panahon, naisipan ng Promdi Hottie at Gentle Giant na magbabad sa jacuzzi, at sumama na rin si Daddy Ike sa pagpapalamig habang si Daddy Erning ay nasa tabi na nakikipagkwentuhan.  Napag-usapan nina Daddy Ike at Jolas ang mga usual boys' stuff tulad ng armpit hairs, shaving, basketball, at syempre, mga girls.  Itong si Ejay naman ang kanilang napag-tripan dahil sa kanyang lihim na pagkagusto kay Valerie.

Sige nga mga daddies, pagtulungan niyo ang natotorpeng si Ejay.

Habang ang mga teen housemates ay kasama ang parents ni Linda, sina Ejay at Jolas naman ay nakasalo sa breakfast ang ibang guardians.  Sa wakas ay nadiskubre na rin ng Promdi Hottie at ng Gentle Giant ang "secret place."  Super saya naman ni Ejay na makita ang kanyang Daddy Erning at si Jolas naman ang kanyang Daddy Ike.  Ang dalawang teens naman ay nagkwento sa kalagayan ng ibang teens sa kabilang bakod. 

Sino na lang ba ang hindi nakakaalam tungkol sa secret place na ito?

Habang naghuhugas ng pinggan si Jieriel, tinanong niya si Ejay tungkol sa totoong tatay niya na Italiano. French daw hindi Italiano sabi ni Ejay. Natawa si Jieriel at nagtanong kung paano kung nagpakita ang French Father ng Promdie Hottie? At paano kung inaya siya na sumama sa France?

Hindi pa man tapos magtanong si Jieriel, Hinding-hindi talaga si Ejay. Mahal na mahal niya si Daddy Erning at hindi niya ipagpapalit ito. Kung magbibigay ng bahay, lupa, at trabaho ang French father, ok lang daw pero kung ang kapalit ay ang pagsama sa France, aba'y hindi na lang.

Mahaba pa ang season at marami pang puwedeng mangyari. Pagkitain kaya ni Kuya si Ejay at ang French father tulad ng nangyari kay Matt Evans sa first season ng PBB Teens?